Тимур Турдиев: "Локомотив" Ўзбекистонинг етакчи клуби эканини исботлади"

"Локомотив" жамоасини ғалаба билан табриклайман. Рақиб Суперлиганинг етакчи клуби эканини исботлади, бу клуб бир неча йиллар давомида Ўзбекистон чемпиони бўлган, кубокни қўлга киритган.

- Трансфер ойнаси пайтида "Локомотив"да ўйнаётган Игорь Чикризовни олиб келса бўлмайдими?
- Қани энди шундай бўлса. "Локомотив" уни осонгина қўйиб юбормаса керак. Агар бизга келса хурсанд бўлардик.

- Бугун "Локомотив"дан ўрганиш керак бўлган 3та нарсани айта оласизми?
- Тўғриси бугунги баҳсни видеосини томоша қилиб, камчиликларни билиб оламиз ва уларни бартараф этишга уринамиз. "Локомотив" жамоаси яхши ижрочиларга эга. Марказий ярим ҳимоясидаги футболчилар анча яхши ўйнашди. Мана шу ўйинчилар даражасига чиқиш учун йигитларимизни тайёрлаб борамиз.

- Бугун "Арал Самали" сафида бир ўйинчи сизнинг жаҳлингизни чиқарди. Ўйинга тайёр бўлмагани сезилди...
- Умумий гуруҳдаги машғулотларда анча яхши ҳолатда эди. Ўйиндан олдин ҳам унинг ҳолатини сўрадик, аммо тайёр эмаслиги кўриниб қолди ва уни қайта ўзгартиришга мажбур бўлдик.

Мухлисларимизга раҳмат айтмоқчиман. Улар ҳар бир ўйинда бизни муносиб қўллаб туришибди. Кейинги ўйинларда ғалаба қозониб мухлисларни хурсанд қилишга ҳаракат қиламиз. Йигитларимизни шундай қўллаб туришларини сўраб қолган бўлардим.