"Тезкор студия" жонли эфирида Максим Шацких ва Виталий Денисов!

Ўзбек футболидаги минглаб мухлисларнинг ёқимтой футболчилари саналган Виталий Денисов ҳамда Максим Шацких "Тезкор студия"да меҳмон сифатида иштирок этиб, кўплаб мавзуларда суҳбат қуришади.

Шацких ва Денисов иштирокидаги "Тезкор студия"нинг бугунги сони кечки соатларда бўлиши режалаштирилмоқда. Айни пайтда Россияда фаолият кўрсатаётган бу икки нафар ҳамюртимиз бугунги Россия Футбол Иттифоқида ўтказиладиган Россия премьер лигасининг карантин даврида тиклаш бўйича йиғилишидан сўнг эфирга қўшилишни режалаштиришган. Шунингдек, "Тезкор студия"да Шацких ва Денисовдан ташқари кутилмаган меҳмонлар пайдо бўлиши эҳтимоли ҳам мавжуд.

Қизиқарли ўтиши кутилаётган мазкур дастурни жонли эфирда томоша қилиш ва ўз суюклиларига савол йўллашни истаган ишқибозлар "YouTube"да "Championat.asia" саҳифасига обуна бўлиши ва саҳифа олдидаги қўнғироқчани босиши талаб этилади. Бу орқали сизнинг телефон ёки планшет иловангизга жонли эфир бошланиши ҳақида хабар келади. Максим Шацких ва Виталий Денисовга жонли эфирда йўлланадиган қизиқарли саволлар қаҳрамонларимизга ўқиб эшиттирилади.

"Тезкор студия"нинг бугунги қизиқарли дастурини ўтказиб юборманг ва "YouTube"даги саҳифамизга обуна бўлинг!

Маълумот учун, бугунги "Тезкор студия" қаҳрамонлари Максим Шацких айни пайтда "Ротор"да бош мураббий Александр Хацкевичга ассистент сифатида ёрдам бераётган бўлса, Виталий Денисов футболчилик фаолиятини ушбу жамоада собиқ жамоадоши олдида давом эттирмоқда.

Жонли эфир 21:00да бошланади!