Тен Хаг: “Нопрофессионаллик”

Шармандали мағлубиятдан кейин “қизил иблислар” устози Эрик тен Хаг ўз фикрларини билдирди.

“Ўйлашимча, илк таймни муносиб ўтказдик. Танаффусгача ўйин борасида битта хатога йўл қўйдик.

2-таймда эса ўзимизга ўхшамадик. Бу стандартларимизга мос эмас. Жамоа сифатида ўйнамадик. Бу нопрофессионаллик. Жаҳлим чиқдими? Ҳа, шубҳасиз.

Бу мени ҳайрон қолдирди, чунки охирги ҳафталар ва ойларда бу жамоа бардошли ҳамда ғолибликка чанқоқлигини кўргандим. Иккинчи бўлимда эса бизда ғалаба руҳи йўқ эди. Режага амал қилмадик, ўз ишимизни бажармадик. Жавоб қайтармадик ва бу ҳақиқатан ҳам нопрофессионаллик эди.

Ўтмишдаги хатолардан кейин ўнглана олишимизни кўрдик: “Брэнтфорд”, “Ман Сити”га учралган мағлубиятлар. Албатта, бу жиддий муваффақиятсизлик, бунга йўл қўйиб бўлмайди. Ҳафсалам пир бўлди ва дарғазабман.

Бу реалликни англаш. Буни қабул қилишимиз лозим”, дейди тен Хаг.