Темурхўжа Абдухолиқов Геннадий Красницкий номидаги тўпурарлар клуби аъзосига айланди
21 авг 2020 21:06
Новости

Темурхўжа Абдухолиқов Геннадий Красницкий номидаги тўпурарлар клуби аъзосига айланди

Суперлиганинг 11-турида "Локомотив" "Қўқон-1912"га қарши баҳсда 1:2 ҳисобида мағлуб бўлди.

Ушбу баҳсда "темирйўлчилар" сафида ягона голни Темурхўжа Абдухолиқов рақиб дарвозасига урди. Шундай қилиб Абдухолиқов Геннадий Красницкий номидаги тўпурарлар клубига аъзо бўлди.

Маълумки, Геннадий Красницкий номидаги тўпурарлар клубига аъзо бўлиш учун футболчи Ўзбекистон чемпионати, Ўзбекистон Кубоги, клублар таркибидаги халқаро расмий ўйинлар ҳамда Ўзбекистон миллий терма жамоаси сафида 100та гол уриши керак.

Бугунги голдан сўнг Абдухолиқовнинг Ўзбекистон чемпионатидаги голлари сони 71тага етди. У Ўзбекистон кубогида 14та, Осиё чемпионлар лигасида 13та, Ўзбекистон терма жамоасида 2та гол уришга эришган.