Темур Олимхўжаев 17-21 ноябрь кунлари Тошкентда йиғин ўтказади

"Айни пайтда селекция ишларига жиддий эътибор қаратяпмиз. Куни кеча Қашқадарёда бўлиб, бир йўла вилоятнинг учта академияси тарбияланувчилари билан яқиндан танишиб чиқдим. Истеъдодлар жуда кўп, 2000 йилларга масъул мураббийларга керакли маслаҳатларни бердим. Боиси уларнинг ҳам терма жамоамиз олдида тутган ўринлари катта. Қолаверса, Қашқадарёда ёшлар учун яратилган шароитлар жуда катта. Бундан оқилона фойдаланишимиз керак. Навоий ва Бухорода ҳам ўсмирларни кузатдим", - дейди Темур Олимхўжаев.

Авваллари ўсмирлар терма жамоаси "Машъал" ва "Пахтакор" футболчиларидан иборат бўлиб қолаётган эди. Бугун эса терма жамоамизнинг географияси анча кенгайди.

- Бугунга келиб "Бунёдкор"дан яхши болалар чиқа бошлади. Бухорода ҳам чакки эмас. "Насаф" мева бера бошлади. Келаси йили саралаш ўйинлари бўлиб ўтади, унга жиддий ҳозирлик кўришимиз лозим. 18 ноябрь куни РОЗСКга қарши баҳс олиб бораимиз, икки кун ўтгач "Спартак" (Тошкент)га қарши ўртоқлик ўйини бўлиб ўтади. Иккала рақибимиз ҳам 1998 йил тарбияланувчилари бўлади, - дейди терма жамоамиз устози.