Темур Ҳакимов: "Ғалаба билан қайтишимиз мумкин эди"
05 апр 2016 14:05
Новости

Темур Ҳакимов: "Ғалаба билан қайтишимиз мумкин эди"

Олий лиганинг 3-туридан ўрин "Навбаҳор" - "Сўғдиёна" учрашувида ҳисоб очилмади. Ўйиндан кейин меҳмонлар аъзоси Темур Ҳакимовнинг фикрлари билан қизиқдик.

- "Навбаҳор"га қарши ўйинда асосий мақсадимиз уйга очко билан қайтиш эди. Биз буни уддаладик. Жиззахга уч очко билан қайтишимиз мумкин эди, аммо ўзимиз яратган вазиятлардан фойдалана олмадик. Қолаверса, бир киши кам бўлиб қолганимиздан сўнг эътиборимизни кўпроқ ҳимояга қаратдик.

Барча жамоа хоҳ сафарда, хоҳ уйида майдонга фақат ғалаба учун чиқади. Шу жумладан биз ҳам "Навбаҳор" билан учрашувда ғалаба учун ўйнагандик. Менга рақибнинг ўйини ёқди. Улар ўз майдонида ҳужумкор руҳда ҳаракат қилишди, лекин фикримча, баҳс бир томоннинг яққол устунлигида ўтгани йўқ.

Фурқатбек Нишонов

Ссылка :

Источник : championat.asia

Получайте новости прямо в Telegram!

Рейтинг: +4