Тайёрлов гуруҳлари. 2000/2001 йиллар. “Насаф” - Ўзбекистон Биринчилиги ғолиби бўлди!
14 ноя 2016 22:41
Новости
![](https://championat.asia/upload/storage/227728_original.jpg)
![](/upload/storage/227728_220.jpg)
Тайёрлов гуруҳлари. 2000/2001 йиллар. “Насаф” - Ўзбекистон Биринчилиги ғолиби бўлди!
Бугун Элдор Мойлиев қўл остидаги 2000/2001 йилларда таваллуд топган футболчиларимиздан иборат “Насаф” жамоаси финалда “Бунёдкор” клуби тарбияланувчилари билан куч синашди.
Учрашув финалга хос тарзда кескин курашлар остида кечди. Ўйиндаги ҳисоб жамоамиз томонидан биринчи бўлим тугалланиб бораётган пайтда Беҳрўз Равупов томонидан очилди – 1:0. Шу ҳисобда жамоалар танаффусга чиқиб кетишди.
Иккинчи бўлим ҳам муросасиз ва кескин курашлар остида кечди. “Бунёдкор” жамоаси иккинчи бўлимда 11 метрлик жарима тўпи тепиш ҳуқуқини қўлга киритди. Улар бу имкониятдан тўлиқ фойдаланишиб, орадаги ҳисобни тенглаштиришга эришди – 1:1. Орадан 15 дақиқалар ўтиб, ёш футболчиларимизнинг ғалабага бўлган иштиёқи ўз самарасини берди. Жамоамиз вакили Сардор Тўраев гол муаллифига айланди – 2:1.
Қолган дақиқаларда ҳар иккала жамоада қўлай вазиятлар яратилган бўлсада, гол уриш ҳеч кимга насиб этмади.
Шундай қилиб, Элдор Мойлиев шогирдлари бўлмиш 2000/2001 йилларда таваллуд топган футболчилардан иборат жамоамиз Республика Биринчилигининг ғолиби бўлишди.
Бундан албатта клубимиз қошидаги футбол мактабида ишлар тўғри йўлга қўйилгани ва бу ютуқни футбол мактабимиз раҳбари билан бирга мураббийларимизнинг олиб бораётган ишларининг ижобий меваси сифатида эътироф этиш жоиз.
Финал
“Насаф” (Қарши) - “Бунёдкор” (Тошкент) 2:1
Учинчи ўрин учун учрашувда “Пахтакор” жамоаси “Машъал”ни мағлуб этди.
Мусобақа якунида ғолиблар муносиб тақдирланишди.
Похожие новости
![AMP Logo](https://championat.asia/image/logo-amp.png)
Комментарии