Тахминлар. Терма жамоамиз аъзоси "Арсенал"дан йирик мағлубият, Италия кубогининг "Ювентус"га насиб қилишини кутяпти. Сиз қандай фикрдасиз?
17 июн 2020 22:05
Новости

Тахминлар. Терма жамоамиз аъзоси "Арсенал"дан йирик мағлубият, Италия кубогининг "Ювентус"га насиб қилишини кутяпти. Сиз қандай фикрдасиз?

Бугун Европа майдонларида бир қатор муҳим футбол баҳслари ўтказилади. Жумладан, "Манчестер Сити" ва "Арсенал" клублари АПЛ 29-турининг қолдирилган ўйинида иштирок этишса, Римда Италия кубогининг финали ўтказилади.

Ўзбекистон миллий терма жамоасининг асосий посбони Элдорбек Суюновнинг ушбу учрашувлар ҳақидаги фикрлари билан қизиқдик.

Тошкентнинг "Пахтакор" клуби дарвозабони Манчестердаги устоз-шогирд тўқнашувида Гвардиола Артетага чин маънода мастер-класс ўтиб беришига ишоняпти. Элдорнинг фикрича, Римдаги ўйинда "Наполи" "Ювентус"га жиддий қаршилик кўрсатиши мумкин, аммо якунда тажриба ўз сўзини айтади.