RU

Последние новости

00:07Игорь Сергеев: "Бундай жамоалар ҳеч қачон 90 дақиқа тўлиқ борини бериб ўйнамайди"  2 23:36Отабек Шукуров: "Шундай ўйинлар орқали Жаҳон чемпионатини ҳис қилиб оламиз"  8 23:21Кабо-Верде терма жамоаси тарихда илк бор Жаҳон чемпионатига йўл олди  8 22:35Абдувоҳид Неъматов: "Янги мураббийнинг талабларини бажаришга ҳаракат қиляпмиз"  13 22:10Элдор Шомуродов: "Умуман олганда ёмон ўйнамадик"  3 22:10Ушбу ФИФА кунлари охиргиси...   5 22:05"Динамо" назорат учрашувида "Машъал"ни таслим қилди  0 21:21Фабио Каннаваро: "Бизда буни ўнглаш учун яна 8 ой вақт бор"  52 21:21Рустам Ашурматов: "Ўйин томонлама кучайтирадиган жиҳатларимиз бор экан"  4 20:24Ўзбекистон терма жамоасининг 11 ўйинлик мағлубиятсиз серияси якунига етди  25 20:08Русланбек Жиянов: "Уругвай каби кучли жамоаларга қарши учрашувларда катта тажриба оламиз"  21 20:00Ўртоқлик учрашуви. Ўзбекистон – Уругвай 1:2  10 19:52"Манчестер Юнайтед" собиқ бош мураббийи "Рейнжерс" билан музокаралар ўтказмоқда  0 19:38Ўртоқлик учрашуви. Ўзбекистон Уругвайга кичик ҳисобда мағлуб бўлди  429 19:13МЮни сотиб олишга даъвогар тадбиркор клубга "Олтин тўп" соҳибини олиб келмоқчи  3

Тарихда шу кун. "Бунёдкор" - "Гамба Осака" 3:2. Шарқда учган "қалдирғоч" Новости

Тарихда шу кун. "Бунёдкор" - "Гамба Осака" 3:2. Шарқда учган "қалдирғоч"

Бугунги кунда ўзбек клублари халқаро майдонда Ғарб минтақасида араб жамоалари билан куч синашади.

Ўз вақтида "Бунёдкор" икки мавсум ОЧЛни Шарқ минтақасида ўтказган ва Япония, Жанубий Корея, Хитой, Австралия жамоалари тўсиғидан муваффақиятли ўта олган. Қайсидир маънода "қалдирғочлар" Шарқда ажойиб парвозни амалга ошира олган. Бундан 13 йил олдин худди шу кунда "Бунёдкор" "Жар" стадионида Япониянинг "Гамба Осака" жамоасини қабул қилган. Қуйида ушбу учрашувни ёдга оламиз. 

Тошкент клуби "Е" гуруҳида "Аделаида Юнайтед". "Поханг Стилерс", "Гамба Осака" билан квартет ҳосил қилганди. Гуруҳ босқичининг дастлабки даврасидан сўнг "Бунёдкор" ҳисобида фақат 3 очко бор эди. Уйда "Аделаида Юнайтед"дан мағлубият қабул қилинган, сафарда "Поханг Стилерс" таслим қилинган бўлса, "Гамба Осака" ўз майдонида ҳеч қандай имконият қолдирмаган. Иккинчи давранинг илк ўйини "Гамба Осака"га қарши бўлган эди. 3 очко гуруҳдан чиқиш учун етарли эмас, бор куч ташланиши кутилганди.

Дастлаб 14 дақиқада Камолиддин Мурзоев боши билан ҳисобни очади, орадан 4 дақиқа ўтгач Шу Курата ҳисобни тенглаштиради. Жамоалар танаффусга чиқиб кетар чоғида Лутфулла Тўраев иккинчи қаватда устун келиб таблодаги ҳисобни 2:1 кўринишига келтирган. Иккинчи бўлимда захирадан майдонга тушган Анвар Солиев бирга-бир вазиятда рақиб дарвозасини осонликча ишғол қилади. Рақиб сафидан Хироуки Абе ҳакам томонидан қўшиб берилган дақиқаларда орадаги фарқни қисқартиради. 

Гуруҳдан иккинчи ўрин билан чиққан "Бунёдкор" 1/8 финалда "Сеонгнам Ильва Чунма"ни 1:0 ҳисобида мағлуб этади ва чорак финалда ўзи билан битта гуруҳда ўйнаган "Аделаида Юнайтед"ни мусобақадан чиқариб юборади. "Жар" стадионида кечган бу баҳсни кўпчилик яхши эсласа керак. Захирадан майдонга тушган Алибобо Раҳматуллаевга Қосимовнинг айтган гаплари ҳамда Алибобонинг 114-дақиқада урган ғалаба голи. 

Лекин ярим финалда жамоадан омад юз ўгиради ва "Бунёдкор" Жанубий Кореянинг "Ульсан Хюндай" клубига ҳар иккала ўйинда ютқазиб қўяди. Тошкентда 1:3, сафарда 0:2. Ўшанда кореялик ҳужумчи Ким Шин Вук иккала учрашувда ҳам "қалдирғочлар" дарвозасига тўп киритганди. Аммо ҳозир мағрурлик билан айта оламизки, "Бунёдкор" ўша йил чинакам сенсация кўрсатганди. Чунки мусобақа бошланмасидан олдин хавотир йўқ эмасди, ахир Шарқда ўйнаб жамоа бошқаларга "ем" бўлиши ҳам мумкин эди-да. Аммо Миржалол Қосимовнинг тактик ўйини туфайли "Бунёдкор" ўз сўзини айта олган. 

"Бунёдкор" ОФК талабига кўра Шарққа қўйилгани билан кучлилар орасида йўқолиб қолмаган. Жамоа чиндан ҳам кучли эди. Энг муҳими, Миржалол Қосимов меҳнаткаш жамоани барпо эта олганди. Тўғри, бу пайтга келиб таркиб супер эмасди. Ҳар ҳолда Ривалдо жамоани тарк этган, шунингдек номи чиққан бошқа легионерлар ҳам хайрлашишга улгурганди. Жамоани елкасида кўтариб юриш ўзимизнинг футболчилар гарданида қолганди. Австралиялик Дэвид Карней кўп ўйнамаганди ҳам.


ОЧЛ-2012. Гуруҳ босқичи.

Тошкент. "Жар" стадиони, 4000 томошабин 

"Бунёдкор" - "Гамба Осака" 3:2

Ҳакам: Ҳалил Ал Гамди (Саудия Арабистони)

Голлар: Камолиддин Мурзоев 14, Лутфулла Тўраев 42, Анваржон Солиев 84 - Шу Курата 18, Хироуки Абе 90+3

"Бунёдкор": 1. Игнатий Нестеров, 11. Эмил Кенжисариев, 3. Хайрулла Каримов, 16. Артём Филипосян, 8. Жавлон Иброҳимов, 13. Лутфулла Тўраев, 10. Шавкат Саломов, 33. Ян Козак (20. Анваржон Солиев,80) 22. Виктор Карпенко (28. Руслан Мелзиддинов,28) 17. Камолиддин Мурзоев (9. Анвар Ражабов, 58)

Захира: 45. Акбар Тўраев, 2. Акмал Шораҳмедов, 7. Давид Карней, 24. Баҳодир Пардаев

Бош мураббий: Миржалол Қосимов


Суратлар "Бунёдкор" клуби расмий сайтидан олинди

Автор : Iskandarov Abdulaziz
Рейтинг: +6   

Комментарии

championat.asia
< посмотреть последние новости
Яндекс.Метрика