Тачмурод Агамуродов: "Натижа адолатли. Бир киши кам бўлиб ўйнаш жуда қийин"

- Жамоамизнинг айни дамда Суперлига турнир жадвалидаги ҳолатини, шунингдек, бугун Кубок баҳси бўлганини инобатга олсак, кам ўйин амалиётига, ёшларга эътибор беришни лозим топдик. Ўйин давомида ўзимиз учун қандайдир ҳулосалар чиқариб олдик. Албатта, ҳар қандай ҳолатда - таркибнинг қандай бўлиши ёки ким ўйнашидан қатъи назар натижа муҳим бўлиши керак эди. Керак бўлмаган жойдаги қизил карточканинг таъсири катта бўлди. Балки кўп нарса футболчининг маҳоратига боғлиқдир. Шундай жойда қизил карточка оляптими, демак, у бугунги ўйинга рухан тайёр эмас экан.

- Кубокда вазифа борми?

- Умуман олганда вазифа йўқ. Қатнашиб, футболчиларни синаб олдик, айрим ишланмаларни кўрдик. Ҳозир биздаги асосий вазифа - Суперлига. 

- Бугунги якуний натижа ҳақида нима дейсиз?

- Барчасини қизил карточка синдириб юборди. Қачонки жамоа камчилик бўлиб қолса, ғалаба қозониш имконияти пасайиб кетади. Натижа адолатли. Кам бўлиб ўйнаш, рухий томонлама ҳам қийин. Ўтган ўйинлар давомида ҳам бир қанча футболчиларимиз қизил олишди. Бу борада пауза бўлмаяпти.