Тачмурод Агамуродов: "Бу ғалаба бизга жуда зарур эди"
02 мая 2015 20:32
Новости

Тачмурод Агамуродов: "Бу ғалаба бизга жуда зарур эди"

«Динамо» - «Металлург» (1:0) учрашувидан кейин «Динамо» бош мураббийи Тачмурод Агамуродов ўйин борасида тўхталиб ўтди.

«Албатта, омадсиз ўйинлардан сўнг ниҳоят ғалаба қозонганимиздан жуда хурсандмиз. Бугун кичик ҳисоб қайд этилгани боис, футболчилар иккинчи бўлимда асабий ўйин намойиш этишди. Чунки ўтган ўйинларда ҳам ғалаба қозона туриб, «Бухоро» ва «Қизилқум» билан дуранг қайд этгандик. Бугун эса шогирдларим руҳий босимдан чиқиб кета олишди ва якунда ғалабани қўлдан чиқармадик.

Бу ғалаба бизга жуда зарур эди. Айниқса руҳий жиҳатдан. Умид қиламанки, энди ишларимиз юришиб кетади. Олдинда бизни Фарғонада «Нефтчи»га қарши жуда оғир ўйин кутиб турибди. Фарғона клуби айни дамда жуда яхши ўйин намойиш этаётган бўлсада, биз водийда очко олиш учун бор куч ва имкониятларимизни ишга соламиз» - дейди Тачмурод Шамакович.

Ссылка :

Источник : fcdinamo.uz

Получайте новости прямо в Telegram!

Рейтинг: