Тачмурад Агамуродов: "Самарқанддек шаҳар жамоасида фаолият юритганимдан фахрланаман"

«Қадрли, «Динамо» мухлислари! Мен Самарқанддаги фаолиятим давомида ҳар доим маҳаллий мухлисларнинг доимий қўллаб-қувватлашларини ҳис этиб келганман. Fалабали кунда бўлгани каби, оғир дамларда ҳам жонкуяр ишқибозларнинг тафтини ҳис этганман.

Шунинг баробарида энг аввало жамоанинг мухлислар учун тўп суришини бош мақсад қилганман. Мавсум давомида энг фидойи мухлислар билан ўтказилган учрашувларда ҳам, уларнинг фикрларига қулоқ тутиб, ишончларини оқлашга ҳаракат қилдим. Сизларни жуда яхши тушунаман ва тушуниб турибман. Аммо ҳаётда ҳаммаси биз ўйлаганчалик бўлмайди. Айрим сабаблар ва саломатлигим ҳақида ҳам қайғуришим учун жамоа билан хайрлашдим. Самарқанддек шаҳар жамоасида бир эмас, икки маротоба фаолият юритганимдан фахрланаман. Клуб олдида ҳам, мухлислар олдида ҳам виждоним пок. «Динамо» ғалабали ўйинлари билан сиз азиз мухлисларни хурсанд этади, деб тилак билдириб қоламан» - дея хайрлашди Тачмурод Шамакович.