Сзето Ман Чун: “Ўзбекистоннинг ҳужумчилари ҳимоямизни қийинчиликсиз ёриб ўтди”

Авваламбор гонконглик барча мухлисларимиздан узр сўраймиз. Улар бизни яхши қўллаб — қувватлашди, бироқ биз улар истаган ўйинни кўрсата олмадик.

Аввалги турда Эрон сизларга 3 та гол урди, Ўзбекистон эса 10 та. Учинчи турда эса Эрон ва Ўзбекистон ўзаро баҳс олиб боради. 2 та ўйиндан келиб чиқиб, кимни фаворит деб ҳисоблайсиз?

- Икки жамоа ҳам жуда кучли. Эронга қарши учрашувда етарли даражада ҳимояла олмадик ва ҳужумдаги вазиятларимиздан фойдалана олмадик. Бугунги учрашувда ҳам биз ўз режаларимизни амалга ошира олмадик. Менимча, Ўзбекистон Эронга нисбатдан кучлироқ, уларнинг ҳужум чизиғи анча кучли. Ўзбекистоннинг ҳужумчилари анча маҳоратли экан.

Танаффусдан сўнг сўнг сизда иккинчи бўлим учун Б режаси бормиди?

- Барча ўйинимизни биринчи бўлимда кўрсатиб бўлдик. Иккинчи бўлимда тактикани ўзгартирдик ва 2 та ҳужумчи билан ҳаракат қилдик. Эронга қарши баҳсга нисбатдан бугун очиқроқ ўйин кўрсатдик. Иккита ҳужум билан ҳаракат қилганимиздан сўнг ҳимоямизда очиқ жойлар кўпайиб кетди. Ўзбекистоннинг ҳужумчилари ҳимоямизни қийинчиликсиз ёриб ўтди.

Афғонистонга қарши бўлажак учрашув ҳақида нима дея оласиз?

- Афғонистон терма жамоаси жисмоний жиҳатдан кучли жамоа. Биз турнирга қадар мамлакатимизда тўртта ўйинда ўйнадик ва шу сабабли бизда бироз чарчоқ бордек. Менимча, Афғонистонга қарши учрашувда рақибларимиз бироз фаворит бўлса керак.