"Сурхон"ни кўплаб футболчилар тарк этди. Жамоа 2021 йилда маҳаллий ва ёш иқтидорли ўйинчилар хизматидан фойдаланади

Лекин шундай бўлсада 2020 йилда "Сурхон" жамоаси қониқарсиз натижалар қайд этди ва Суперлигада 12-ўринни эгаллади.

"Сурхон" жамоаси ўтган мавсумда жамоа тарикбида тўп сурган Абдуқаххор Хожиакбаров, Асилбек Аманов, Аъзам Алиев, Жахонгир Мехманов ва яна бир қатор футболчилар хизматидан воз кечди. Ўз ўрнида, ушбу футболчиларнинг кейинги фаолиятида омадлар тилаб қолади.

Келаётган мавсумда эса "Сурхон" жамоаси бор эътиборини сурхондарёлик маҳаллий ва ёш иқтидорли футболчиларга қаратади. Нуриддин Ҳасанов, Бехруз Шайдулов, Ўрал Чориев, Даврон Мерганов, Камолиддин Ашуров, Шахзод Таиров ва Муҳаммад-али Абдурахмоновнинг "Сурхон" жамоаси билан амалдаги шартномаси мавжуд. Бундан ташқари катта мураббий Баҳром Ҳайдаров, мураббийлар Владимир Андреев ва Икромжон Ибрагимов бир қатор футболчилар билан селекция ишларини олиб бормоқда.

Яқин кунларда жамоанинг янги бош мураббийи ҳам эълон қилинади.

Сурхондарёлик тажрибали футболчи Раҳматулло Бердимуродов бу мавсумда "Сурхон" жамоаси мураббийлар штабидан ўрин олади", - деб ёзади "Сурхон" матбуот хизмати.