Сурхондарё вилояти чемпионати ҳал қилувчи паллага кирди ФОТО

“А”ва “Б” гуруҳларидаги   энг кўп очко жамғарган икки жамоа вилоят чемпионлиги учун кечадиган яъни кейинги босқичга тўрт жамоа йўламани қўлга киритишди.

“А” гуруҳидан чиққан икки клуб:
“Динамо" (Термиз)
“ Унверситет” (Термиз)

“Б” гуруҳидан чиққан икки клуб:
“Денов” (Денов)
 “Шўрчи” (Шўрчи)

Жамоалар  шу йилнинг 20 ноябрь санасида дастлабки баҳсларга киришади.

“Б” гуруҳда жой олган Мадибек Бадалов бошчилигидаги Денов туманининг “Денов” жамоаси  ўз гуруҳида 14та учрашув ўтказган шундан 13 тасида ғалаба тантана қилишган, фақатгина бир маротаба сафар учрашувида Шўрчининг “Шўрчи”  жамоасидан 2:3 ҳисобида мағлубият аламини тортишган.

Жамоа рақиблар дарвозасига жами 56 та тўп киритиб, 19 мартаба ўз дарвозасидан тўп олиб чиқишга мажбур бўлишган. “Денов” жамоаси бу йилги ички чемпионатда рақиблар дарвозасига энг кўп тўп киритган жамоа ҳисобланади.

Деновлик футболчилар  ўз гуруҳида 39 очко  жамғарган ҳолда, 1-ўрин билан кейинги босқичга йўл олишди.  

Жамоа тўпурарлик баҳсини бошқараётган ва  ўзининг мавсумдаги ёрқин ўйинлари билан кўп сонли мухлислар олқишига сазавор бўлаётган жамоа ҳужумчиси Ҳасан Тошбадалов ҳисобида ҳозирча 16 та гол мавжуд.  

Биринчи лигада иштирок этишни мақсад қилган “Денов” жамоасининг ички чемпионатни  юқори савияда ўтказишида бир қатор  тадбиркорлар яьни, жонкуяр  футбол фидойилари Зокир Маҳмарасулов, Адҳам Тангриқулов, Бекзод Азимовларининг беминнат ҳизматларидан маҳаллий ишқибозлар мамнун.

Жамоанинг  ўй–сафар учрашувларида ёнида туриб қуллаб-қувватлаётган Денов футбол интернати  болалар футбол мураббийси олий ва биринчи лига жамоаларида фаолият олиб бораётган бир қатор  футболчилар  Баҳриддин Ваҳобов (Бухоро), Жасур Холтўраевлар (Шўртан) устози ва  жамоа мухлислар клуби бошлиғи Эркин Тўраевларнинг самарали меҳнатлари таҳсинга сазовордир.  

Фахриддин Чориев