Суперлига. "Қўқон-1912" кетма-кет учта ўйинда мағлуб бўлди
20 окт 2018 14:32
Новости

Суперлига. "Қўқон-1912" кетма-кет учта ўйинда мағлуб бўлди

Теги : Қўқон-1912

Суперлиганинг иккинчи босқичи "Қўқон-1912" учун омадсиз ўтмоқда.

Жамоа шу пайтгача тўртта ўйинда майдонга тушган бўлса, бирортасида ғалаба қозона олмади. Қўқонликлар "Насаф"га қарши иккинчи босқични дуранг билан бошлашганди, шундан сўнг қаторасига уч ўйинда мағлубият аламини тотиб кўришди.

Айтиш мумкинки, кетма-кет 3та беллашувда мағлуб бўлиш "Қўқон-1912" учун бу йил ҳисобидан биринчи марта рўй берди. Жамоа бунгача икки бор кетма-кет иккита беллашувда ютқазиб қўйганди. Нўъмон Ҳасанов шогирдлари охирги уч учрашувда "Қизилқум", АГМК ва "Сўғдиёна"га қарши баҳс олиб бориб мағлубиятни қайд этишди.

Қолаверса, жамоа мана шу уч ўйинда фақат битта гол урди. Сафардаги охирги иккита баҳсда эса бир хил 0:1 ҳисобида имкониятни бой берди. "Қўқон-1912" навбатдаги тур баҳсини ўз майдонида "Нефтчи"га қарши ўтказади.

Ссылка :

Источник : championat.asia

Получайте новости прямо в Telegram!

Рейтинг: +1