Суперлига. ОКМК ВАР томонидан 13 дақиқа текширилган ҳамда япониялик футболчи томонидан урилган голлар эвазига 11 йилдан сўнг сафарда "Пахтакор"ни мағлуб этди
21 ноя 2024 20:06
Новости

Суперлига. ОКМК ВАР томонидан 13 дақиқа текширилган ҳамда япониялик футболчи томонидан урилган голлар эвазига 11 йилдан сўнг сафарда "Пахтакор"ни мағлуб этди

Суперлига 25-туридан ўрин олган илк учрашув якунланди.

Пахтакор

Суперлига. Тур 25

21/11/2024, 18:00

Завершен

OKMK

Нодир Абдураззаков - 32', Арихиро Сентоку - 85'

45'

90'

Открыть в Матч-Центре

Суперлига

25-тур

"Пахтакор" – ОКМК 0:2

Тошкент. "Жар" стадиони. 18:00

Бош ҳакам: Найим Қосимов

Ёрдамчи ҳакамлар: Аваз Абдуллаев, Александр Сидоров

Тўртинчи ҳакам:Алишер Тўхтасинов

VAR: Даврон Акмалов

AVAR: Руслан Серазитдинов

Назоратчи: Маъмур Саидқосимов

Комиссар: Шаҳзод Холбоев

Гол: 0:1 — 32, Нодирбек Абдураззоқов (Хуршид Ғиёсов), 0:2 — 85, Арихиро Сентоку (Азиз Холмуродов).

"Пахтакор": 12.Владимир Назаров, 3.Шаҳзод Азмиддинов, 4.Абдулла Абдуллаев, 8.Диёр Холматов, 23.Абдурауф Бўриев, 30.Отабек Жўрақўзиев (22.Умар Адҳамзода, 76), 33.Дониёр Абдуманнопов (31.Муҳаммадали Усмонов, 76), 40.Кими Мерк (11.Пўлатхўжа Холдорхонов, 63), 44.Маҳмуджон Маҳаммаджонов, 55.Муҳаммадрасул Абдумажидов, 99.Улуғбек Ҳошимов (6.Муҳаммадали Ўринбоев, 63).

Захира: 35.Павел Павлюченко, 15.Диёрбек Ортиқбоев, 18.Саидумархон Саиднуруллаев, 20.Дилшод Абдуллаев.

ОКМК: 35.Жавоҳир Илёсов, 4.Миржамол Қосимов (30.Аброр Саримсоқов, 60), 6.Авазбек Ўлмасалиев, 7.Дилшодбек Аҳмадалиев, 10.Хуршид Ғиёсов (9.Рубен Санчес, 72), 11.Клейди Даци (18.Азиз Холмуродов, 72), 15.Ойбек Рустамов, 20.Ислом Тўхтахўжаев, 21.Саидафзалхон Ахроров, 28.Арихиро Сентоку (5.Гиорги Папава, 89), 77.Нодирбек Абдураззоқов (22.Шоҳруҳ Гадоев, 89).

Захира: 1.Валижон Раҳимов, 13.Элдорбек Бегимов, 19.Михаэль Клепач, 27.Али Абдураҳмонов.

Огоҳлантириш: Миржамол Қосимов (55), Аброр Саримсоқов (65), Абдурауф Бўриев (70), Арихиро Сентоку (73).

МАТНЛИ ТРАНСЛЯЦИЯ

ЯНГИЛАШ

Ўйин якунланди.

90. Иккинчи бўлимга 5 дақиқа қўшиб берилди.

89. ОКМКда икки ўзгариш содир этилди.

85. ГОЛ! Холмуродов чап қанотдан ёриб кириб, марказга узатма амалга оширди, у ерга етиб келган Сентоку деярли 11 метрли нуқтадан "Пахтакор" дарвозасини аниқ нишонга олди!

81. "Пахтакор" футболчиларининг бурчак узатмасини Илёсов уриб юборди.

77. Хавфли вазият! Санчеснинг жаримадан йўллаган зарбаси рекошет орқали Назаров қўриқлаётган дарвозанинг ёнгинасидан ўтиб кетди. Зарба аниқ борганда, "Пахтакор" дарвозабони улгурмасди.

76. "Пахтакор" яна икки ўзгаришага қўл урди.

73. Сентоку Азмиддиновни очиқчасига тўхтатиб қолгани учун огоҳлантирилди.

72. ОКМКда икки ўзгариш: Холмуродов ва Санчес ўйинга қўшилди, Даци ва Ғиёсов захирага олинди.

70. Бўриев тўп учун курашда Саримсоқовни йиқитгани учун сариқ карточка билан жазоланди.

65. Яқинда майдонга тушган Саримсоқов рақибнинг яққол ҳужумини тўхтатиб қолгани учун огоҳлантирилди.

63. "Пахтакор" таркибида биратўла икки ўзгариш амалга оширилди. Ўринбоев ва Холдорхонов майдонга тушди, Ҳошимов ва Мерк захирага олинди.

61. Хавфли вазият! ОКМК бурчак узатмаси Дацининг зарбаси билан якунланди, аммо Назаров жамоасини муқаррар голдан сақлаб қолди.

60. ОКМК таркибида илк ўзгариш: Аброр Саримсоқов Миржамол Қосимовни алмаштирди.

58. Хавфли вазият! Аҳмадалиев рақиб жарима майдонига яқин масофада бир неча "Пахтакор" футболчисини ортда қолдирган ҳолда чап оёқда кучли зарба йўллади, бироқ у тепган тўп дарвоза юқорисидан ўтиб кетди.

55. Қосимов Маҳаммаджоновга нисбатан қўпол ўйин намойиш этгани учун огоҳлантирилди. Бу учрашувдаги илк карточка ҳисобланади.

53. Хавфли вазият! "Пахтакор" футболчилари томонидан йўлланган кетма-кет икки зарба рақиб дарвозасига қадар етиб бормади. Аниқроғи, ОКМК ҳимоячилари жонбозлик кўрсатди.

52. Ахроров ОКМК дарвозабони билан яккама-якка чиқишга уринган Ҳошимовни қоида бузмаган ҳолда тўхтатиб қолди.

50. Абдураззоқов ҳужумда фол ишлатди.

48. Хавфли вазият! ОКМК жарима майдонида Жўрақўзиев рақиб дарвозабони ва ҳимоячиси билан тўқнашиб кетди, ҳакам ўйинни давом эттириш лозимлигини билдирди.

47. Ҳошимов рақиб посбони билан бирга-бир вазиятга чиқиб боришга уриниб, рақиб жарима майдонида йиқилди, бироқ ҳакам ўйиндан ташқари ҳолатни қайд этди.

46. Иккинчи бўлим бошланди.

Мазкур учрашувни бевосита стадиондан томоша қилаётган "Пахтакор" мухлиси.

60 дақиқа давом этган биринчи бўлим якунланди.

45+14. "Пахтакор"нинг навбатдаги ҳужуми Жўрақўзиевнинг кучли бўлмаган зарбаси билан якунланди.

45+11. Абдураззоқовга нисбатан қоидабузарлик ишлатилди. ОКМКда стандарт вазият юзага келди.

45+10. Зарба! Рустамовнинг олис масофадан йўллаган зарбасини Назаров эгаллаб олди.

45+7. "Пахтакор"нинг ҳужуми охиригача етмай қолди, Илёсов чаққонлик билан ҳаракат қилиб, тўпни эгаллаб олди.

45. Биринчи бўлимга 14 дақиқа қўшиб берилди.

ВАР ОКМК рақиб дарвозасини ишғол қилган вазиятни кўриб чиқишга 13 дақиқа сарфлади ва голни инобатга олди.

ВАР вазиятни кўриб чиқмоқда.

32. ГОЛ! Абдураззоқов ҳисобни очди! ОКМК ҳужумчиси Қосимов жарима узатмасидан сўнг Ғиёсовнинг бош билан пасини "Пахтакор" дарвозасига жойлаб қўйди!

28. Назаров тўпни тепиб юборишда хатога йўл қўйди, унинг хатосини ҳимоячи тузатди.

27. Тўхтахўжаев рақибнинг хавфли ҳужумини бартараф этди.

24. Абдуманнопов жароҳат олган кўринади, унга тиббий ёрдам кўрсатилмоқда.

21. ОКМКнинг бурчак узатмаси рақиб жарима майдонига қалар етиб бормади.

17. Жўрақўзиевнинг рақиб жарима майдонига узатган тўпини Илёсов эгаллаб олди.

15. "Пахтакор" футболчисининг зарбасининг рақиб жарима майдони ичидан йўллаган зарбаси ОКМК ҳимоячисининг қўлига теккандек кўринди, бироқ ҳакам ўйинни давом эттириш лозимлигини таъкидлади.

10. Мерк ўйиндан ташқари ҳолатда қолиб кетди.