Суперлига. Ой голи - Шаҳзод Убайдуллаев

Рестартдан кейин эса ҳозирча учта турни ўтказдик. "Championat.asia" ижодий гуруҳи якунланиб бораётган июнь ойида ички чемпионатимизнинг энг яхшиларини аниқлади.

Суперлига. Ой дарвозабони - Суҳроб Султонов

Ушбу ойда ўтказилган 3та турдан келиб чиқиб ойнинг энг чиройли голи деб "Металлург" клуби ҳужумчиси Шаҳзод Убайдуллаевнинг зарбаси тан олинди. Бекободликлар 15 июнь санасида "Локомотив" меҳмони бўлишди ва 3:0 ҳисобидаги йирик ғалабани қўлга киритишди. Ана шу баҳснинг 57-дақиқасида захирадан майдонга туширилган Шаҳзод 66-дақиқада Дониёр Нарзуллаевнинг чиройли пасидан кейин тўпни қайчи услубида Игнатий Нестеров қўриқлаётган дарвозага жойлаб қўйганди. Пас ҳам, зарбанинг ижроси ҳам идеал кўриниш олди.

Шу тариқа, 22 ёшли Шаҳзод Убайдуллаевнинг қайчи услубидаги зарбаси июнь ойининг энг чиройли голи деб топилди.

Маълумот учун, Убайдуллаев ойдаги учта ўйиннинг ҳаммасида иштирок этди, майдонда жами 168 дақиқани ўтказган ҳужумчи битта гол урди. Биргина голи ойни безаб берди дейиш мумкин.