Суперлига. Ой футболчиси - Достонбек Ҳамдамов

Ушбу ойда ўтказилган 3та турдан келиб чиқиб ойнинг энг яхши футболчи деб "Пахтакор" ярим ҳимоячиси Достонбек Ҳамдамов тан олинди. Футболчи ўтган ой "Сурхон" билан ўйинда гол уришга эришди ва жамоасининг ғалабасига ҳисса қўшди. "Машъал" билан ўйинда эса Драган Черанга голли тўп узатишини амалга оширди. АГМК билан кечган баҳсда Ҳамдамов ҳисобни қисқартирувчи гол муаллифига айланди. Учта ўйинда жами 269 дақиқа ҳаракат қилган ярим ҳимоячи ҳар бир баҳсда фаоллиги билан ажралиб турди.

Шу тариқа, июль ойида иккита гол урган ва битта тўп узатишини амалга оширган Достонбек Ҳамдамов championat.asia талқинига кўра июль ойининг энг яхши футболчиси деб топилди.

"Пахтакор"нинг июль ойида ўтказган ўйинлари:

Coca Cola Суперлигаси, 7-тур
"Пахтакор" - "Сурхон" 3:1
Ҳамдамов - гол

Coca Cola Суперлигаси, 8-тур
"Пахтакор" - "Машъал" 3:0
Ҳамдамов - голли пас

Coca Cola Суперлигаси, 9-тур
"Пахтакор" - АГМК 2:2
Ҳамдамов - гол