Сульшер Рэшфорднинг жароҳати ҳақида: "У югура олмади"
16 янв 2020 13:13
Новости

Сульшер Рэшфорднинг жароҳати ҳақида: "У югура олмади"

"Манчестер Юнайтед" бош мураббийи Оле-Гуннар Сульшер Англия кубоги 3-босқичи доирасида "Вулверхэмптон"га қарши баҳс (1:0)дан сўнг фикрларини билдириб ўтди.

Ўйин ҳақида

"Ўйин охирида ҳар икки жамоа ҳам чарчаганини кўриш мумкин эди. Баъзида очиқ ўйин бизга унчалик ҳам мос тушмайди.

Ниҳоят "Вулверхэмптон"ни мағлуб этганимиздан хурсандмиз. Хуан Мата - шунчаки бошқа даража".

Рэшфорднинг жароҳати ҳақида

"Ҳа, бу қарор (Рэшфордни тушириш) салбий оқибатларга олиб келди. Баъзида буни қабул қилиш керак.

Яқин кунларда тиббий текширув ўтказамиз ва шундан сўнг у якшанба кунигача тайёр бўлиш ёки бўлмаслигини билиб оламиз. У югура олмади. У баҳс давомида маълум вақт белида оғриқ ҳис қилди, кейин эса яна битта зарба қабул қилиб олди. Бу унга ёрдам бермади", - деди Сульшер.