Суҳроб Бердиев: "Раҳбарият ва мухлислар ишончини оқлашга ҳаракат қиламиз"
03 мар 2017 14:32
Новости

Суҳроб Бердиев: "Раҳбарият ва мухлислар ишончини оқлашга ҳаракат қиламиз"

Теги : Қўқон-1912 Сухроб Бердиев

Олий лига 1-туридан ўрин олган “Қўқон-1912” – “Насаф” ўйинидан олдин қўқонликлар ярим ҳимоячиси Суҳроб Бердиев ўз фикрларини қуйидагича баён қилди.

- Аввало барчани янги мавсум билан табриклайман. Келаётган мавсум олдидан жамоамиз ўз таркибини анча кучайтириб олди деб айта оламан. Сафимизга қўшилган барча футболчилар жуда яхши тажрибага ва маҳоратга эгалар.

Жамоамиз раҳбарияти бизга барча шароитларни муҳайё қилишмоқда. Энди фақат ўз ўйинимиз билан раҳбарият ва мухлислар ишончини оқлаш навбати келди.

Дастлабки турда “Насаф” жамоасини қабул қиламиз. Жамоадошларим фақат ғалаба учун майдонга тушишларига шак-шубҳа йўқ. Афсуски ўзим майдонга туша олмайман. Ўтган мавсумнинг сўнгги туридаги қизил карточка бунга ҳалақит беради. Футболчи учун жамоаси ўйинини майдон ташқарисида томоша қилишдан қийини йўқ бўлса керак. Лекин бизнинг жамоамизда тенг кучли футболчилар жамланишган ва мен жамоадошларимга ишонаман, - дейди Бердиев.

"Қўқон-1912" матбуот хизмати

Ссылка :

Источник : championat.asia

Получайте новости прямо в Telegram!

Рейтинг: +4