Суарес “Гремио”даги дебютидаёқ 34 дақиқа ичида учта гол урди. У охирги хет-тригини 2018 йил “Реал” билан ўйинда қайд этган
18 янв 2023 09:10
Новости

Суарес “Гремио”даги дебютидаёқ 34 дақиқа ичида учта гол урди. У охирги хет-тригини 2018 йил “Реал” билан ўйинда қайд этган

Ҳар йили ўтказиб келинадиган “Рекопа Гауча” титули учун баҳсда “Гремио” йирик ҳисобда (4:1) “Сан-Луис”ни мағлуб этиб, бош соврин эгасига айланди.

Луис Суарес янги жамоасида дебют қилди ва 34 дақиқа ичида рақиб дарвозасини уч бор ишғол этишга эришди. Уругвайлик охирги хет-тригини 2018 йил “Барселона” сафида “Реал”га қарши ўйинда (5:1) қайд этганди.

Суареснинг Бразилия гранди билан шартномаси 2024 йилгача амал қилади.

Маълумот ўрнида, “Рекопа Гауча” 2014 йилдан бери ўтказиб келинади ва “Гремио” унда 4 марта (2019, 2021, 2022, 2023) муваффақиятга эришган.