Станислав Андреев - "Навбаҳор" футболчиси!
01 янв 2022 00:18
Новости
Тажрибали ҳимоячи Станислав Андреев жамоамиз билан шартнома имзолади. Андреев 1988 йил 6 майда Тошкент шаҳрида туғилган.
Футболчилик фаолиятини 2006 йили Сариосиёнинг “Тўпаланг” жамоасида бошлаб, мазкур клуб таркибида 2 та ўйинда майдонга тушган.
Станислав 2007-2018 йиллар давомида Тошкентнинг “Пахтакор” жамоасида ўйнаб, “шерлар” таркибида 210 та баҳсда майдонга тушиб, 25 та гол урган ҳамда пойтахтликларнинг ўша мавсумлардаги муваффақиятларига ўзининг муносиб ҳиссасини қўшган.
2018 йилнинг 2-даврасида Бекободнинг “Металлург” клуби таркибига қўшилган Андреев ушбу клуб таркибида ўтган мавсум якунигача тўп тепиб, бекободликлар таркибида 90 та учрашувда майдонга тушиб, рақиблар дарвозасига 12 та гол урди.
Станислав Андреев 2009-2017 йиллар давомида Ўзбекистон миллий терма жамоаси сафида ўйнаб, бош жамоамиз таркибида 39 та баҳсда майдонга тушиб, 2 та гол урган.
Станислав Андреевга янги мавсумда жамоамиз таркибида ёрқин ўйинлар намойиш этиб, “лочинлар”нинг зафарларига ўзининг муносиб ҳиссасини қўшишига тилакдошмиз.
“Навбаҳор” ПФК матбуот хизмати.
2021 йилнинг 11 декабрь кунида Станислав Андреевнинг "Навбаҳор"га ўтиши мумкинлиги борасида маълумот бергандик.
Похожие новости
![AMP Logo](https://championat.asia/image/logo-amp.png)
Комментарии