Сўровнома якунлари. Кўпчилик Абрамов фақат терма жамоада ишлаши керак деяпти
17 ноя 2020 12:57
Новости
![](https://championat.asia/upload/storage/604090_original.jpg)
![](/upload/storage/604090_220.jpg)
Сўровнома якунлари. Кўпчилик Абрамов фақат терма жамоада ишлаши керак деяпти
Маълумки, Вадим Карленович бир пайтнинг ўзида ҳам Ўзбекистон миллий терма жамоаси, ҳам "Бунёдкор" клубида иш олиб бормоқда. Бу биринчи марта рўй бераётган ҳолат эмас. Аввал ҳам иккита жойда ишлаган мураббийларни кўрганмиз.
Лекин шуниси аниқки, бу ўринда барибир бир иш иккинчисига халақит беради. Айниқса гап мамлакатнинг биринчи рақамли жамоаси ҳақида бораётган бўлса.
Сизнингча, Вадим Абрамов... деб бошланган сўровнома қатнашчиларининг энг кўп 39 фоизи мураббий фақат терма жамоада ишлаши керак деган вариантда тўхталган. Фақат "Бунёдкор"да ишлаши керак жавоби 15% овоз тўплади. Шунингдек, 9 фоиз иштирокчи ҳам терма жамоа, ҳам "Бунёдкор"дан кетиши керак деган бўлса, фақат 6 % иштирокчигина ҳар иккаласида ишини давом эттиргани маъқул деган.
Сўровномада энг охирги вариант сифатида "Ўзбек футболидан кўнглим қолган" деб ёзгандик. Буни қарангки, 31 % мухлис айнан шу вариантни белгилаган. Эҳтимол, Сурияга қарши ўртоқлик учрашувида мағлуб бўлганимиздан сўнг кўпчилик ғазаб билан шу жавобни босган бўлса керак.
Бугун терма жамоамиз Ироққа қарши ўртоқлик учрашувида майдонга тушади. Нима бўлган тақдирда ҳам вакилларимизга омад тилаб қоламиз. Вадим Абрамов мавзуси эса ҳали давом этади.
Похожие новости
![AMP Logo](https://championat.asia/image/logo-amp.png)
Комментарии