Сон Хён Мин - четда ўйнаётган энг яхши футболчи!
23 июн 2016 17:55
Новости

Сон Хён Мин - четда ўйнаётган энг яхши футболчи!

Жанубий Корея терма жамоаси футболчиси Сон Хён Мин ОФК томонидан "2015 йилнинг Энг яхши чет элда ўйнаётган футболчиси" деб топилганди.

Бугун ОФК қароргоҳида "Тоттенхэм" вакилини тақдирлаш маросими бўлиб ўтди.

Маълумки, ушбу совринни бериш 2012 йилда йўлга қўйилган бўлиб, Сон Хёнг Мин бундай соврин билан тақдирланган илк корейс футболчиси бўлди. У энг яхши бўлиш йўлида ҳамюрти Ки Сунг Ёнг ҳамда австралиялик Массимо Луонгони ортда қолдирди.

ОФК президенти Шайх Салмон кореялик футболчи шаънига илиқ фикрларни билдирди: "Мен бу йигитчани 18 ёшидан бери биламан. Ўшандаёқ ундан келажакда яхши футболчи чиқишини сезгандим". Маълумки, Сон Хёнг Мин 30 миллион евро эвазига ўтган йилнинг августида "Байер"дан "Тоттенхэм"га кўчиб ўтганди.