⚡️ “Сўғдиёна” рақиби “Хўжанд” ҳақида нималарни биламиз?

Улуғбек Бақоев жамоасига қарши саф тортадиган "Хўжанд" ҳақида нималарни биламиз? Бу клуб ички ва халқаро майдонда қандай мавқега эга? Таркибда қандай футболчилар ҳаракатланади? Қуйида шу ҳақда маълумот тақдим этамиз. 

Жамоага қачон асос солинган?

"Хўжанд" жамоасига 1976 йилда асос солинган. Жамоанинг биринчи бош мураббийи Владимир Бурин ҳисобланади. Жамоа ўша кезлари СССР чемпионатида иштирок этган. Тожикистон чемпионатида қатнашишни бошлаганидан кейин “Хўжанд”нинг натижалари йилдан-йилга яхшиланиб борган. Хусусан Тожикистон кубогида 1998, 2002, 2008,2017  ва 2021 йилларда ғалаба қозонган. Мамлакат суперкубогининг 4 карра вице-чемпиони саналади.

Бироқ мамлакат чемпионлигини қўлга киритиш имкони бўлмаяпти. Жумдадан, “Хўжанд” охирги икки мавсумда Тожикистон чемпионатида 2-ўринни қўлга киритиб келмоқда. 

Халқаро майдондаги иштироки

Жамоа охирги 4 йилда ОФК кубогида иштирок этиб келмоқда. Хусусан, ўтган йили ҳам жамоа ОФК кубоги гуруҳ босқич доирасида “Насаф”га қарши майдонга тушган эди. Ўшанда қаршилик футболчилар 3:0 ҳисобида зафар қучган. Учрашувда голларга Акмал Мозговой, Ҳусниддин Алиқулов ва Шерзод Насруллаев муаллифлик қилганди.

Умуман олганда, жамоа ОФК кубоги доирасида 19та учрашувда майдонга тушган. 5та ғалаба, 5та дуранг ҳамда 9 маротаба мағлубият аламини тортиб кўрган. 17 маротаба тўп киритиб, 24 бор ўз дарвозасидан тўп олиб чиққан. “Сўғдиёна”га қарши учрашув жамоа учун мазкур мусобақадаги 20-беллашувга айланади. 

Бош мураббий

Охирги йилларда жамоа тез-тез мураббий алшатирмоқда. 2019 йилда Виталий Левченко бош мураббийга айланади. Ҳозирда у “Нефтчи” устози ҳисобланади. Бироқ мавсум якунида у истеъфога чиқарилиб, ўрнига Никола Лазаревич таклиф қилинади. Ундан кейин Ҳаким Фузайлов, кейинчалик Никола Лазаревич ортга қайтарилади. Икки йилдирки жамоага Рустам Хўжаев устозлик қилмоқда.

Таркиб ва сардор

Жамоада Тожикистон миллий ва ёшлар терма жамоаларига номзод футболчилар тўпланган. Хусусан, жамоа сардори Жаҳонгир Эргашев ҳам терма жамоа аъзоси ҳисобланади. Эргашев “Қизилқум” клубида ҳам ярим мавсум ўйнаган. Шунингдек, Фирдавс Чакалов, Шоҳруҳ Қирғизбоев, Алишер Баротов, Тоҳир Малодустов, Элчибек Рашидбеков, Эҳсон Бобоев сингари тажрибали футболчилари бор.

FK Khujand

Кубок АФК - финальная стадия . Тур 1/8 17/08/2022, 15:30 4 : 0 Завершен

Согдиана

45'

90'

Открыть в Матч-Центре