Собиқ футболчи Раул Манхэттендаги ўзбекистонликнинг телефони камераси ишлашини кутди
28 янв 2016 11:54
Новости

Собиқ футболчи Раул Манхэттендаги ўзбекистонликнинг телефони камераси ишлашини кутди

Футбол бўйича Испания миллий терма жамоаси ва Мадриднинг «Реал» клуби ҳужумчиси Рауль Гонсалес Нью-Йоркда ўзбекистонлик талаба билан селфига тушди.

Бу ҳақда Рауль билан селфига тушган Шерзод Ғайбуллаевнинг ўзи блогида маълум қилган.

Унинг ёзишича, Манхэттен авеньюларидан бирида кетаётганида, ҳамроҳи қарши тарафдан Рауль Гонсалес келаётганини кўриб қолган. Шерзод Ғайбуллаев ҳамроҳи билан Раулни тўхтатиб, ундан биргаликда суратга тушишни сўраган.

«Мен расмга олаётганимда, телефоним озгина панд берди. Вақти тиғиз бўлган футбол юлдузини бир дақиқадан ортиқ вақтини олдим. Дўстининг қистовига қарамай, камерамнинг ишлашини кутган, бунинг учун унинг ўзи ҳам телефоним экранидаги тугмани босиб кўрган Раулга нисбатан ҳурматим ортди», — деб ёзади Шерзод Ғайбуллаев.

Испаниялик энг таниқли футболчилардан бири ҳисобланган Рауль Гонсалес 2015 йил 16 ноябрь куни профессионал футболчилик фаолиятидаги сўнгги ўйинни ўтказди ва фаолиятини якунлади. У Мадриднинг «Реал» клубидан ташқари, Германиянинг «Шальке-04», Қатарнинг «Ас-Садд» ва АҚШнинг «Нью-Йорк Космос» жамоаларида ҳам тўп сурган.

Ссылка :

Источник : daryo.uz

Получайте новости прямо в Telegram!

Рейтинг: +26