Швейцария бош мураббийи: "Дарвозабон Зоммернинг ажойиб ўйини мени ҳайрон қолдирмади"
11 июн 2016 22:25
Новости

Швейцария бош мураббийи: "Дарвозабон Зоммернинг ажойиб ўйини мени ҳайрон қолдирмади"

Швейцария терма жамоаси бош мураббийи Владимир Петкович Албанияга қарши Европа чемпионати "А" гуруҳининг 1-туридан ўрин олган учрашув (1:0) ҳақида фикр билдирди.

"Биз бу ўйинда куч ва асабимизни тўғри йўналтира олдик. Биринчи 20 дақиқада қолган 70 дақиқадан яхшироқ ўйнадик. Аввалига темпни биз ҳал қилдик, кейин рақиб устунликни қўлга олди. Албанияликлар бир киши кам бўлиб қолганида ҳам, вазият шундайлигича қолди.

Рақибга босим ўтказишимиз керак эди, аммо ҳамма гап ҳужумчиларда эмас. Ҳимоячи ва ҳужумчиларимиз ҳам ҳужумга фойда келтира олади. Шёр гол уриб буни исботлади. Дарвозабон Ян Зоммернинг ажойиб ўйини мени ҳайрон қолдирмади - у ёш, аммо жуда тажрибали посбон. Биз биринчи икки турда кейинги босқич масаласини ҳал қилмоқчи эдик. Ҳозирча буни уддалаганимиз йўқ" - дейди Петкович.

Ссылка :

Источник : uefa.com

Получайте новости прямо в Telegram!

Рейтинг: