Шуҳрат Мақсудов: "Биринчи давра якунига қадар таркибда янгиликлар бўлиб туради"

"Ҳар бир учрашув шундай жанговар руҳда ўтмоқда. Ёш футболчилар бу орқали катта тажриба тўплашади. Ўйинга келсак, дарвозабонимизнинг хатосидан сўнг тўп ўтказиб юбордик. Буни ҳеч ким кутмаганди. У ҳам атайлаб қилмади. Ҳамма хато қилади. Ҳозир кийиниш хонасида уни қўллаб - қувватладик. Ҳаёт давом этади. Эътиборимизни навбатдаги ўйинга қаратамиз. 

Аввал ҳам айтганман ҳимоямизда муаммолар бор.  Давронжон Эргашевнинг қанотда ўйнаганини шу билан боғлайман. Биринчи давра якунига қадар бундай янгиликлар бўлиб туради. 

Учинчи турда Қаршига борамиз.  "Насаф" жамоасини ҳурмат қиламиз. Ушбу учрашувда ғолиб жамоа гуруҳда биринчи ўринни эгаллайди. Мазкур баҳсга жиддий ҳозирлик кўрамиз. 

Ҳакамлик ҳақида ортиқча гапирмайман. Уларнинг ишини кўриб чиқадиган қўмита бор", - дейди Шуҳрат Мақсудов.

Абдулазиз Искандаров ёзиб олди