Шохруҳ Эшбўтаев: "Кот д’Ивуар биздан кучли эмас"
01 окт 2013 10:33
Новости

Шохруҳ Эшбўтаев: "Кот д’Ивуар биздан кучли эмас"

Хабарингиз бўлса керак, кеча Испанияда старт олган U-17 ўсмирлар терма жамоалари ўртасидаги халқаро турнирда мамлакатимиз ўсмирлар терма жамоаси ҳам иштирок этмоқда.

Мусобақадаги дастлабки учрашувни Кот д’Ивуар ўсмирлар терма жамоасига қарши ўтказган Дилшод Нуралиев бошқарувидаги жамоа ўйинда голсиз дуранг қайд этди.

Мазкур ўйинни кўтаринки руҳда ўтказган йигитларимизнинг учрашув ҳақидаги фикрларини билишга қизиқдик. Ўйинни бевосита захира ўриндиғида кузатиб борган термамиз дарвозабони Шохруҳ Эшбўтаев поёнига етган баҳс ҳақида қисқача шундай деди:

- Учрашув яхши ўтди. Ҳар иккала жамоа аъзоларида ҳам гол уриш учун бир нечта имкониятлар бўлди. Аммо барибир истайсизми йўқми, тўп дарвозага кирмади. Рақибимиз яхши жамоа экан. Лекин уни биздан кучли дея олмайман. Тенг кучга эга жамоалар ўйинига гувоҳ бўлдик. Энди кейинги ўйинларимизда ғалаба қозонишга ҳаракат қиламиз.

Исломбек Рустамбеков суҳбатлашди.

Ссылка :

Источник : championat.asia

Получайте новости прямо в Telegram!

Рейтинг: