Шовковский: “Украина терма жамоаси ЖЧга чиқишга лойиқ эмасди”

Андрей Шевченко бошчилигидаги Украина терма жамоаси куни кеча гуруҳ босқичидаги сўнгги учрашувда Хорватига (0:2) малуб бўлиб, саралаш босқчидан сўнг мусобақа билан хайрлашди.

“Терма жамоанинг Францияда ўтган Европа чемпионатидаги салбий натижасидан кейин ЖЧ-2018 саралашидаги муваффақиятсизлик бу натижа шунчаки омадсизлик эмас. Бу бизнинг айни пайтдаги ҳақиқий аҳволимиз. Буни борича қабул қилишимиз лозим. Бу айни пайтда бизнинг юртда футболга бўлган муносабатга ҳаққоний баҳо демак.

Вазиятдан чиқиш учун ёшлар футболи билан ишлаш тизимини тубдан қайта кўриб чиқиб, улар учун ўқув-машғулотлар базаларини яратиш, сифатли футбол майдонларини фойдаланишга топшириш лозим. Хориждан тажрибали мутахассиларни жалб этиб, маҳалли мураббийларни Европанинг ривожланган давлатларига малака оширишга жўнатиш керак. Бу ишларни амалга ошириб, тезликда улардан натижа талаб қилмаслигимиз шарт. Чунки бунинг "мева"сини кўриш учун 5-7 йил керак бўлади.

Умуман бизнинг мамлакатда келажак учун ишлаш мумкинми? 5-7 йил кутиладиган лойиҳаларни молиявий қўллаб-қувватлашчи? Биз узоқ муддатли лойиҳаларни амалга ошириб, уларнинг натижасини кутиб тура оламизми? Биз бугунги кун билан яшашга ўрганиб қолдик ва келажак ҳақида мутлақо бош қотиришни истамаяпмиз.

 Шу ҳолатда Украина терма жамоаси мураббийлар штаби ва футболчиларига миннатдорчилик билдириш лозим. Улар бизга сўнгги тургача плей-оффга чиқиш умидини тақдим этишди. Агар ҳаммасини шу тахлит давом эттирадиган бўлсак, аҳволимиз бунданда бадтар бўлаверади”, дея ўзининг Фейсбукдаги саҳифасида фикрларини билдириб ўтган Шовковский.