"Шўртан" мураббийи "Динамо"да иш бошлади

Футболчилик фаолиятини якунлагач, дарвозабонлар мураббийлигини танлаган Наумов дастлаб “Насаф” жамоасида сўнгра “Шўртан”да ишлади. Эндиликда у Самарқанд клубида ишлайдиган бўлди. Бундан хабар топиб, Михаилга мурожаат қилдик.

- Ҳа, чиндан ҳам яқинда “Динамо”да иш бошладим. Клуб бош директори Учқун Қобилов менга таклиф билан чиқди. Уни рад эта олмадим. Чунки Суперлигада ишлашни завқи бошқача барибир.

- Мураббийлар штабида сербиялик мутахассислар билан бирга ишлаяпмиз. Бош мураббий Предраг Роганга унинг ҳамюрти катта мураббий Иван Евич ёрдам бермоқда.

- Ҳозирча қўл остимда икки нафар дарвозабон бор. Фарҳод Раҳматов билан Аслан Аҳроров. Ҳар иккиси ҳам ўтган мавсум “Динамо” шарафини ҳимоя қилганди. Яқинда сербиялик посбон келиб қўшилади. Тайёргарлик жараёнида улар билан жиддий ишлаймиз ва кузатамиз", - деди Наумов.