"Шўртан" жамоаси янги автобус билан таъминланди
18 сен 13:20
Новости

"Шўртан" жамоаси янги автобус билан таъминланди

Сўнгги йилларда мамлакатда миллионлар ўйини бўлган футболга алоҳида эътибор қаратилиб, бу спорт тури Республиканинг олис чеккаларида ҳам ривожланишига сабаб бўлмоқда.

"Шўртан" футбол клуби ҳам яратилган имкониятлардан унумли фойдаланган ҳолда туманда футбол спорт турини ривожлантириш учун катта ишлар олиб бормоқда.

Куни-кеча жамоамиз бош ҳомийси "Ҳудудгазтаъминот" АЖ ёрдами билан Хитойдан махсус буюртма асосида "Шўртан" футбол клуби ихтиёрига янги автобус олиб келинди. Ушбу замонавий автобус "Шўртан" футбол академиясига топширилди. Янги транспорт воситаси академиямизнинг турли ёшдаги гуруҳлари, "Шўртан-W" қизлар жамоаси ва "Шўртан" U-19 жамоаларининг сафардаги беллашувларига қатнаш учун қўшимча қулайлик яратади.

Ушбу замонавий автобус калитини Ғузор тумани сектор раҳбарлари "Шўртан" футбол клуби бош менежери Шамил Ярулин билан биргаликда академиямиз тарбияланувчиларига топширдилар.

Маълумот учун, Суперлигага чиқишни мақсад қилган "Шўртан" жамоаси Про лига турнир жадвалида 3-поғонани эгаллаб турган бўлса, "Шўртан" U-19 жамоамиз ҳам ғарбий минтақа жамоалари орасида 3-ўринни эгаллаб турибди", – дейилади клуб матбуот хизмати хабарида.

Ссылка :

Источник : "Шўртан" матбуот хизмати

Получайте новости прямо в Telegram!

Рейтинг: +1