Шомуродов Қосимов ва Гейнрих билан тенглашди
11 июн 2022 23:13
Новости

Шомуродов Қосимов ва Гейнрих билан тенглашди

Ўзбекистон терма жамоаси ва "Рома" клуби ҳужумчиси Элдор Шомуродов миллий терма жамоа сафидаги голлари сони бўйича Миржалол Қосимов ва Александр Гейнрих билан тенглашиб олди.

Бугун Шомуродов Осиё Кубоги саралаш босқичи 2-туридан ўрин олган Ўзбекистон – Мальдив ороллари учрашувида хет-трикни расмийлаштирди.

Шу тариқа, 26 ёшли форвард голлари сонини 31 тага етказди ва Қосимов ҳамда Гейнрихнинг бу борадаги натижасини такрорлади.

Маълумот учун, термамизнинг энг яхши тўпурари Максим Шацких ҳисобида 34 та гол мавжуд.

Кучли 10 талик:

1. Максим Шацких — 61 ўйин, 34 гол
2. Элдор Шомуродов — 56 ўйин, 31 гол
Миржалол Қосимов — 67 ўйин, 31 гол
Александр Гейнрих — 97 ўйин, 31 гол
5. Сервер Жепаров — 128 ўйин, 25 гол
6. Одил Аҳмедов — 108 ўйин, 21 гол
7. Игорь Шквирин — 31 ўйин, 20 гол
8. Игорь Сергеев — 61 ўйин, 17 гол
9. Жаъфр Ирисметов — 36 ўйин, 15 гол
10. Улуғбек Бақоев — 52 ўйин, 14 гол