Шоғуломов «Локомотив»га қайтди

Сўнгги йилларда энг кўп жамоасини алмаштираётган футболчилар рўйхатига кираётган футболчилардан бири бу шубҳасиз Алишер Шоғуломовдир. 24 ёшли ҳужумчи охирги икки йил ичида тўртта жамоада ўйнади. Хусусан, 2016 йилги мавсумда аввалига «Андижон», сўнгра «Обод»да ўйнаган бўлса, 2017 йилги чемпионатни «Бухоро»да бошлаб, «Нефтчи»да тугатди. Эндиликда эса Алишер Тошкентнинг «Локомотив» клубида қўним топди. Пойтахтлик футболчига мамлакат чемпионидан қизиқиш бўлган кўринади. Ёшлар лигасининг 2-турида, Шоғуломов «Локомотив» таркибида майдонга тушди. Эхтимол «темирйўлчилар» мураббийи Мирко Йелечич яқин орада Алишерни асосий жамоага жалб этар.

№77 Алишер Шоғуломов