Шодиёр Ҳожиматов: "Нефтчи"да тўп тепиш доим масъулият ва босим юклайди"

Ушбу ўйиндан сўнг "Нефтчи"нинг иқтидорли ёш футболчиси Шодиёр Ҳожиматов фикрлари билан ўртоқлашди.

"Бу мавсум "Шўртан"га қарши уч маротаба майдонга чиққан бўлсак барчасида мағлуб бўлган эдик. Шунинг учун Ғузорга яхши тайёргарлик билан келгандик. Жамоамизда хоҳиш ҳам юқори бўлди. Худога шукур юзимиз ёруғ бўлди. "Шўртан" Про лигада яхши шаклланган жамоа ҳисобланади. Улар ҳам бизга қарши муносиб ҳаракат қилишди ва қаршилик туғдиришди. 

Ҳа, тўғри жамоамиз аввалги йилларга қараганда ёшарган. "Нефтчи"да тўп тепиш доим масъулият ва босим юклайди. Бунга яраша ҳаракат қилмоқдамиз. Масъулиятни катталиги бир томондан ёқимли. Буёғига ҳар бир ўйин олти очколик ҳисобланади. Натижа учун ўйнаймиз, чунки натижа доим биринчи ўринда туради.

Бутун фарғоналик мухлислар жамоамизни Суперлигага қайтишини истайди. Биз ҳам ўз ўрнида "Нефтчи"ни элитага қайтаришга қўлимиздан келганича ҳаракат қиламиз",- дейди Шодиёр Ҳожиматов.