Шерзод Насруллаев: "Эртага 200 фоиз иштиёқ билан майдонга тушамиз"
09 сен 2024 21:05
Новости

Шерзод Насруллаев: "Эртага 200 фоиз иштиёқ билан майдонга тушамиз"

"Насаф" клуби ва Ўзбекистон терма жамоаси аъзоси Шерзод Насруллаев ЖЧ-2026 учинчи саралаш босқич Қирғизистонга қарши учрашув олдидан эртанги баҳс ҳақидаги фикрлари билан бўлишди.

"Эртанги учрашувга тайёрмиз. Барча футболчилар етарлича тикланиб олишди. Қирғизистонни ҳам ўрганиб олдик. Ушбу саралаш босқичида максимал натижа қайд этишга ҳаракат қиламиз. 100 фоиз эмас, 200 фоиз иштиёқ билан майдонга тушамиз. Мақсадимиз ғалаба қозониш. Майдон ҳолати сунъий бўлишига қарамай, имкон қадар яхши ўйинимизни намойиш этишга ҳаракат қиламиз" - дея фикр билдирди терма жамоамиз ҳимоячиси Шерзод Насруллаев

Эслатиб ўтамиз, ЖЧ-2026 учинчи саралаш доирасидаги Қирғизистон - Ўзбекистон баҳси эртага соат 19:00да старт олади.