“Шердор” таркибни кучайтирмоқда
30 янв 2019 18:15
Новости

“Шердор” таркибни кучайтирмоқда

Ўтган мавсум ПРО-Лиганинг “Б” гуруҳида 2-ўринни эгаллаб, Суперлигага ўтиш баҳсида иштирок этган “Шердор” янги мавсумга астойдил тайёргарлик кўрмоқда.

Бахтиёр Сатторов бошқарувидаги самарқандликлар айни дамда Фарғона шаҳрида ўтаётган “Вилоят ҳокими кубоги” мусобақасида иштирок этмоқда. Афтидан “Шердор”нинг янги мавсумда мақсади янада жиддий кўринади.

Сабаби ушбу жамоа таркибига “Нурафшон” (Тошкент)дан дарвозабон Равшан Ягудин, “Динамо”дан ҳимоячи Бунёд Исроилов, Акмал Бозоров, ярим ҳимоячи Илҳом Юнусов ҳамда ўтган мавсум “Зомин” таркибида ўйнаб ПРО-Лига тўпурари бўлган Шохжаҳон Аббосов ҳозирда “Шердор” сафида янги мавсумга тайёргарлик кўраётгани эътиборга моликдир.