Шавкат Саидов: "Мазкур ғалабалар Бекобод аҳли ва Металлургия комбинатининг ютуғи"

- Дастлабки икки учрашувини бой берган “Шўртан” Бекободга жиддий тайёргарлик билан келишини кутгандик. Шунга яраша футболчиларнинг ҳам жисмоний, ҳам руҳий тайёргарлигига катта эътибор қаратдик. Ўз навбатида муваффақиятга эришишимизда тезкор равишда киритилган голлар қайсидир маънода ёрдам берди. Шунингдек, бироз хотиржамликка берилишимиз оқибатида бу ҳолат биз учун салбий хизмат кўрсатишига ҳам бир баҳя қолди. Вақтида ўйинчиларни алмаштиришда янглишмадик. Яна ташаббусни қўлга олиб, учинчи голни киритдик.

Гарчи, учрашув сўнггида ғузорликлар пенальтидан фарқни қисқартиришга эришган бўлса-да, ғалабани сақлаб қолишимизга шубҳа қилмагандим. Кетма кет ютуқлар билан мухлислармизга катта хурсандчилик улашган ўйинчиларимизга миннатдорчилик билдираман. Бу зафарли юришларимиз бардавом бўлишини истаб қоламиз. Шу ўринда мазкур ғалабалар фақатгини “Металлург”ники эмас, балки Бекобод аҳли, Металлургия комбинатининг ютуғи деб биламан. Зеро уларнинг қўллаб-қувватлашларисиз биз бундай ижобий натижаларга эришмаган бўлардик, - дейди Шавкат Саидов.