Шакири: “Осмонларда учаётганимиз йўқ”

“Албатта, жуда хурсандман. Ахир “Эвертон”ни катта дербида мағлуб этдик. Майдонга тушишимни эшитганимда жудаям хурсанд бўлдим(Шакири жориу мавсум илк бор асосий таркибда майдонга тушди). Жамоага ғалаба қозонишда ёрдам беришни хоҳладим. Асосий таркибга қайтиш учун қаттиқ меҳнат қилдим. Ўзимни жуда яхши ва кучга тўлган ҳис қилмоқдаман. Жамоага янада кўпроқ ёрдам бера олишимга умид қиляпман. Осмонларда учаётганимиз йўқ. Бизга нима кераклигини биламиз. Ўйиндан ўйинга ўтмоқдамиз, бу энг асосийси. Ҳозир совринлар ҳақида ўйлайдиган вақт эмас. Энг катта орзум — АПЛ чемпионлигини “Ливерпуль” билан ютиш ва уни мухлисларга совға қилиш. Бунинг учун бор кучимизни сарфлаймиз”, — дейди Шакири.