Шаҳзод Шамсиддинов: "Нурафшон" сафида олий лигада ўйнаган футболчилар кўп"
14 мая 2018 20:02
Новости

Шаҳзод Шамсиддинов: "Нурафшон" сафида олий лигада ўйнаган футболчилар кўп"

ПРО-лиганинг 9-турида ўрин олган "Лабса" - "Нурафшон" (1:0) учрашувидан сўнг мезбонлар посбони Шаҳзод Шамсиддинов championat.asia сайтига интервью берди.

- Учрашув ҳақида фикрингиз...- Бугунги ўйин жуда ҳам шиддатли ва муросасиз кечди. Учрашув охиригача курашиб керакли ғалабани қўлга киритдик. Бу ғалабани мухлисларга бағишлаймиз.

- Рақиб ҳақида нима дея оласиз?
- "Нурафшон" анчагина кучли жамоа экан. Уларнинг сафида олий лига ҳавосидан баҳраманд бўлган футболчилар жуда кўп. Шунга қарамай жамоавий ўйин намойиш этиб ниятимизга эришдик.

- Кейинги турда ҳам "Нурафшон"га қарши ўйнайсизлар. Фақат сафарда...
- Ҳар бир жамоа ўз уйида, мухлислари қаршисида кучлироқ ўйнашга ҳаракат қилади. Бугун "Нурафшон"нинг кучли ва кучсиз томонларини билиб олдик. Кейинги баҳсда ҳам 3 очко олишга ҳаракат қиламиз.

Акбар Мирзаев ёзиб олди