"Шабаб Ал Аҳли" бош мураббийи: "Футболчиларимга АГМКга дастлабки 15 дақиқада кучли босим қилиш кераклигини айтдим"
25 апр 2021 10:32
Новости

"Шабаб Ал Аҳли" бош мураббийи: "Футболчиларимга АГМКга дастлабки 15 дақиқада кучли босим қилиш кераклигини айтдим"

ОЧЛ 4-туридан ўрин олган "Шабаб Ал Аҳли" - АГМК (3:1) учрашувидан кейин БАА клуби устози Маҳди Али ўз фикрларини билдирди.

"Оғир ўйин бўлди, ғалаба қозонганимиздан хурсандмиз. Футболчиларимни табриклайман ва натижадан албатта мамнунман. Ўйиндан аввал шогирдларимга ғайриоддий ҳеч нима демадим, шунчаки бу муҳим ўйин эканлигини ва жуда диққатли бўлишимиз кераклигини айтдим. Дастлабки 15 дақиқада рақибга кучли босим қилишни тайинладим. Футболчиларим кўрсатмаларни аъло даражада бажаришди.

Бугунги баҳсда беш ҳимоячи билан ўйнашга қарор қилдик, сабаби АГМК сафида яхши ҳужумчилар ва қанот футболчилари бор. Шу боис ҳимоячилар сонини оширдик.

Улар ўз услубларини ўзгартиришди ва биз ҳужумдан ҳимояга ўтдик. Ўйинга мослашишга уриндик," - дейди Маҳди Али.