Сервер Жепаров: "Эртага ишқибозларимизга ажойиб ғалаба тақдим этишга уринамиз"
10 окт 2016 20:52
Новости

Сервер Жепаров: "Эртага ишқибозларимизга ажойиб ғалаба тақдим этишга уринамиз"

Биласиз, эртага Ўзбекистон миллий терма жамоаси Жаҳон чемпионати-2018 саралаши сўнгги босқич ўйинлари доирасида Хитой термасига қарши баҳс юритади.

Бугун бош жамоамиз “Бунёдкор” стадионида ўйинолди расмий машғулоти ўтказди. Машғулот якунида миллий терма жамоамиз етакчиларидан бири Сервер Жепаров ўзининг ўйинолди фикрларини билдириб ўтди.

- Ўтган сафарги Эронга қарши ўйинда бир қатор хатоларга йўл қўйдик, буни тан оламиз. Лекин Хитой билан ўйинга ҳозирлик кўриш мобайнида ўша хатоларни тузатишга ҳаракат қилдик.

Ҳозирча эртага қандай услубда ўйин намойиш этишимизни батафсил айта олмайман. Зеро ўйин олдидан барча қарталарни очиб ташлаш яхши эмас. Аммо бир нарсани таъкидлай оламанки, эртага биз майдонга умуман бошқача кайфиятда чиқамиз ва ишқибозларимизга ажойиб ғалаба тақдим этишга уринамиз, - дейди маҳоратли ярим ҳимоячи “Локо” матбуот хизматига.

Таъкидлаб ўтамиз, эртага Ўзбекистон – Хитой учрашуви соат 18:00да “Бунёдкор” ўйингоҳида бўлиб ўтади.

Ссылка :

Источник : lokomotiv.uz

Получайте новости прямо в Telegram!

Рейтинг: -37