Сергей Лушчан: "Мағлубиятга тенг дуранг қайд этдик"

Кескин курашлар остида кечган учрашувда томонлар 2:2 ҳисобида дуранг натижага имзо чекишди. Учрашувдан сўнг меҳмонлар бош мураббийи Сергей Лушчан фикрлари билан ўртоқлашди.

"Ўйинни яхши бошладик. Умуман олганда қизиқарли ўйин бўлди. Қандай жамоага қарши майдонга чиқишимизни билардик. Икки жамоа ҳам очиқ ўйин намойиш этди. Биринчи голни урдик, сўнг иккинчисини. Бироқ, ғалабани сақлаб қола олмадик. Бу дуранг биз учун мағлубиятга тенг. Мақсадимиз Суперлигага йўлланма олиш. Бунинг учун ютишимиз керак. Аламли дуранг, ғалабани ушлаб қола олмадик. Оҳирги дақиқада ўз дарвозамизни ишғол қилиб қўйдик. Ҳаммасини ўзимиз олиб келдик. Ишлашда давом этамиз, олдиндаги ўйинларда ғалаба қозонишимиз шарт.

Голдан кейин ўйинни бўшаши бу руҳият боғлиқ. Ҳамма жамоада шунақа, гап руҳиятда. Жамоадаги кўп футболчилар 3 ҳафта олдин рўйхатдан ўтказилган, уларни ўзаро тушуниб олиши учун ҳам вақт керак. 3-4 футболчилар ҳали бир-бирини билишмайди.

"Шўртан" жамоасига қойил, оҳиригача курашди. Жарима майдончамиз ичида ҳавфли вазиятлар содир этди. Мақсадимиз кучли тўртликка кириш ва ўйиндан-ўйинга кучайиб бориш. Олдинга интилишда давом этамиз",- дейди Сергей Лушчан.