Сергей Лушчан: “Алемпиевич гол урганидан хурсандман”

- Учрашув арафасида таркибимизда муаммолар бор эди. Бироқ бу камчиликни бартараф эта олдик. Биз мана энди-энди ёзги шароитларга кўникиб боряпмиз. Биринчи бўлимда кутилган прессинги қўллай олмадик. Танаффусдан кейин эса ҳаммаси биз истагандек бўлди. Алемпиевич гол урганидан хурсандман. Сашага дарвоза томон кўпроқ зарба бериши ҳақида жуда кўп айтгандик. Унда ажойиб ва кучли ўарба бор. Насимов майдонга жароҳатидан тўлиқ тузалмаган ҳолда чиқди. Шунга қарамасдан у гол урди. Ҳозирда футболчиларнинг кейинги ўйинга тикланиши кўпроқ ташвишга солмоқда. Навбатдаги баҳсни Бекободда “Металлург”га қарши ўтказамиз. Анвар Ғофуровнинг ўйинидан мамнунман. Йил бошида марказий ҳимоячилар ичида асосий эътибор Ашурматовга қаратилишини унга тушунтиргандик. Шунга қарамасдан, Анвар “Бунёдкор”га содиқлигини амалда кўрсатиб, жамоага ёрдам беришга тайёр эканлигини айтганди. Бундай тажрибали футболчига ишонишда давом этишимиз ва унинг маҳоратидан фойдаланиб қолишимиз керак. Ҳамма қатори ёшларга ҳам имкон беряпмиз. Масалан кеча ёшлар таркибида иккита гол урган Миржаҳон Мираҳмадовни асосий таркибга эалб эта бошладик ва бугун биринчи маротаба қайдномадан ўрин олди. Бугунги баҳс давомида Мираҳмадовни майдонга туширишимиз ҳам мумкин эди, - дейди Сергей Иванович.