Сергей Лушан: "Натижадан қониқдим, ўйиндан эмас"

"Биринчи тайм жуда қийин кечди. Ўйинга тайёрлаган режамизни тўлиқ амалга ошира олмадик. Бунга рақиб йўл қўймади. Иккинчи бўлимда ёшлар майдонга тушишди ва стандарт вазиятидан гол урдик. Умуман олганда ўйиндан кўнглим тўлмади. Учрашув натижаси аксинча ҳам бўлиши мумкин эди. "Металлург"да ҳам гол уриш учун вазиятларга юзага келганди. Бироқ улар гол кирита олишмади. Қийин бўлсада, бугун муҳим ғалабага эришдик ва натижадан кўнглим тўлди. "Металлург" "чақилмас ёнғоқ" тоифасидаги жамоа саналади. Уларнинг ҳимоя чизиғини ёриб ўтиш осон бўлмаслигини олдиндан билардим. Биз ҳали ўйин чуқур таҳлил қиламиз ва ким қаерда хатога йўл қўйганини кўриб чиқамиз. Рустам Ашурматов? Бу ҳимоячи юқори истеъдод соҳиби. Бу футболчи кундан-кунга ўйинини шакллантириб бормоқда. Баъзи ёш футболчилардек осмонларда учиб юргани йўқ. Рустам Ашурматовни порлоқ келажак кутмоқда", - дейди Сергей Лушан.