Сергей Арсланов: "Дастлабки дақиқаларда рақиб босимига дош бериш қийин бўлди"
20 авг 2023 23:46
Новости
![](https://championat.asia/upload/storage/761016_original.jpg)
![](/upload/storage/761016_220.jpg)
Сергей Арсланов: "Дастлабки дақиқаларда рақиб босимига дош бериш қийин бўлди"
- Ўйин ҳақида...
- Динамик, жуда тезкор ва қайноқ ўйин гувоҳи бўлдик. Икки жамоа учун ҳам эмоцияларга тўла ўйин бўлди. Рақибни алоҳида эътироф этиш жоиз. Очиқчасига айтаман, илк дақиқаларда уларнинг босимига дош бериш қийин бўлди. Бироқ, йигитларим ўйинни қўлга ола олишди, барчасини изига туширишни уддалашди. Шундан сўнг, ўйин тартиб билан кечди. Икки жамоа ҳам ғалаба қозонишни истаганди. Иккаламизга ҳам очко керак. Мухлисларга ёқидаган, тезкор ва яхши ўйин кўрсатдик, деб ўйлайман.
- Сизларда бир неча хавфли вазиятлар бўлди. Шундан сўнг жамоа ҳимояга эътибор қаратди. Бунга сабаб нима?
- Футбол шунақа ўйин. Қайсидир вазиятларда рақиб ўта яхши ҳаракат қилади, баъзи вазиятларда эса сизга имконият қолдиради. Ҳимояга ётиб олдик демаган бўлардим. "Бунёдкор"га қарши кубок ўйинида йўқотилган энергия сабаб ҳам баъзи вазиятларда балки бироз куч етишмагандир. Чунки, ўша ўйинда йигитлар жуда катта юклама олишганди. Ўйинлар орасидаги фарқ жуда кам. Жамоамиз ҳам ёш. Бу каби ўйинларда улар жуда кўп энергия сарфлашади. Шахсий фикрим шундай. Буни яхши тарафи ҳам бор. Бу йигитларга максимал ўйин амалиётига эга бўлишади. Ушбу ёшда бу уларга жуда керак.
Похожие новости
![AMP Logo](https://championat.asia/image/logo-amp.png)
Комментарии