RU

Последние новости

18:41"Реал Сосьедад" — "Реал Мадрид". Таркиблар маълум  1 18:00"Қўқон-1912" — "Қизилқум" 1:1 (матнли трансляция)  7 17:57Суперлига. "Пахтакор" – "Нефтчи". Таркиблар маълум  12 16:57Пепе Ла Лигада ойнинг энг яхши футболчиси деб топилди. "Вильярреал" форварди Ямал ва Мбаппени ортда қолдирди  0 16:28"Манчестер Сити" "Барселона" ярим ҳимоячисини нишонга олди  2 15:43"Арсенал" — "Ноттингем Форест". Таркиблар маълум  14 15:19ЎзЭл Классикосига превью  15 14:54"Истанбул Башакшехир"нинг янги бош мураббийи маълум  6 14:23Бернарду Силвага Португалия топ-клуби қизиқиш билдирмоқда  0 13:48"Реал" АПЛ футболчиси учун 60 млн евро таклиф қилмоқчи  1 13:08Эриксен нега "Вольфсбург"га ўтишга қарор қилганини айтди  0 12:32Гави тахминан икки ойни ўтказиб юбориши мумкин  2 11:58"Монтеррей" Марсьяль трансферини эълон қилди  1 11:20Февзи Давлетов: "Навбаҳор" билан ўйинда биз ғалабага яқинроқ эдик"  6 10:58Азиз Ибрагимов: "Учрашув дерби мақомида ўтади, аммо ғалаба "Пахтакор"ники бўлади"  15

Сайриддин Гаффаров хайрия акцияси Тожикистонда ҳам катта акс-садо бермоқда! Новости

Сайриддин Гаффаров хайрия акцияси Тожикистонда ҳам катта акс-садо бермоқда!

Хабарингиз бор, кеча собиқ футболчи Сайриддин Гаффаровнинг оғир бетобликка дучор бўлиб қолгани ва шу сабабли уни қўллаб-қувватлаш учун хайрия акцияси старт олгани тўғрисида маълумот бергандик.

Қувонарлиси, эҳсонпарвар, саҳоватпеша инсонлар кўплиги боис Сайриддиннинг ҳолатига жим қараб турмаяптилар. Шу билан бирга, ушбу хабар Тожикистонда ҳам ўзига яраша реакция келтириб чиқарди. 

Негаки, Сайриддин Тожикистон чемпионатининг бир қатор клубларида тўп тепгани сабабли маҳаллий жамоалар ва мухлислар Гаффаровга ёрдам кўрсатиш истаги билан чиқмоқдалар. 

Айни пайтда "Нефтчи" жамоасида дарвозабонлар мураббийи сифатида фаолият кўрсатиб келаётган тожикистонлик Фарруҳ Бердиев ҳам собиқ ўйинчи ҳақидаги маълумотдан хабар топди. Натижада "Андижон" клуби матбуот хизматига Гаффаров масаласида шундай деди:

"Мен Сайриддин Гаффаровни яхши танийман. Кўп йиллардан бери биламан. Тожикистон чемпионатида "Равшан" Кулоб, "Хосилот-Фархор", "Регар-ТадАЗ", "Хўжанд" сингари клубларда ўйнаган. Айнан 2014 йилда у билан "Хўжанд" сафида бирга тўп тепганмиз. У ҳар бир ўйнаган клубида етакчи бўлган. 

Гаффоровга нисбатан ҳам инсон, ҳам футболчи сифатида ҳурматим баланд. У кучли ўйинчи бўлган, чап оёғида кучли зарбага эга эди. Куни кеча Сайриддинни расмларини ОАВ орқали кўриб жуда ачиндим. Жуда яхши инсон сифатида ҳурмат қозонган. Бундай касалликка учраганини билмагандик. Сайриддин учун қўлимиздан келган барча ёрдамни аямаймиз. 

Тожикистонда Гаффаровни жуда кўплаб мухлислари бор. "Равшан" сафида ОФК Кубогида ҳам тўп тепган. У ерда ҳам футболчининг кўплаб дўстлари бор. Шунинг учун тожикистонлик мухлислар Сайриддинни яхши танийдилар. Гаффаровга "Нефтчи" жамоаси ҳам қўлидан келганича ўз ёрдамини аямайди. Сайриддин билан тез орада алоқага чиқиб, ҳолидан хабар оламиз.

Рости, Гаффаровни бундай аҳволда кўриб жуда ачиндим. Ўзимиз ҳам футбол ўйнаганмиз. Кўнглим эзилиб кетди ва кўзим жиққа ёшга тўлди. Тожикистонда уни қўллаб-қувватлайдиган мухлислари ниҳоятда кўп. Қаерда ўйнаган бўлса, ўша клуб раҳбарлари ҳамда футболчилари барчаси Сайриддиннинг бугунги ҳолатига бефарқ эмаслар. Биз тожикистонликлар ҳам жим қараб турмаймиз", – деди Бердиев "Андижон" матбуот хизматига.


Ҳисоб рақами: 4073 4200 7787 3325 (VISA)

P.S. Тожикистонлик меҳри дарё, саҳий, футбол ва инсон тақдирига бефарқ бўлмаганлар учун: Душанбе сити картасидан Ўзбекистон картасига халқаро пул ўтказмаси.


Хайрия учун карта рақамлари - 8600 0609 6678 9944 (Комилова Наргиза, UZCARD)

4073 4200 7787 3325 (Сайриддин Гаффаров, HUMO)

Рейтинг: +14   

Комментарии

championat.asia
< посмотреть последние новости
Яндекс.Метрика