Саховатдан сув ичар кўнгил (ФОТО)

“Насаф” жамоаси асосий таркиби аъзолари мураббийлар штаби ва клуб раҳбарияти шу куни Қарши шаҳридаги кўзи ожиз болалар махсус мактаб интернатига ташриф буюришди ва у ерда таълим тарбия олаётган болажонлар билан яқиндан танишишди, уларга байрам муносабати билан ўз совға саломларини топширишди.

Шунингдек, жамоамиз бир гуруҳ ходимлари Қамаши туманидаги 4-Меҳрибонлик уйида бўлишди.

-Масканимизда 74 нафар тарбияланувчи бўлиб, улар орасида спортга, хусусан футболга қизиқадиган ёшлар кўпчилик, -дейди “Меҳрибонлик уйи” директори Гулбаҳор Ҳамидова. – “Насаф” жамоаси аъзоларининг ташрифи уларнинг бағоят хурсанд қилди. Бунинг учун жамоа раҳбариятига чуқур миннатдорчилик билдираман.

Шу куни www.sayyod.com ва сhampionat.asia  сайти ташаббуси билан  пойтахтимиздаги "Гемотология" институти қошидаги "лейкемия" билан оғриганлар шифохонасидаги бемор болалар учун байрам тадбири ўтказилди. Бу тадбирларда ҳам олий лиганинг бир қатор жамоалари аъзолари қаторида жамоамиз вакиллари иштирок этишиб, беморлар болакайлар учун аталга махсус совғаларни топширди.

Бир сўз билан айтганда, бугунги байрамон кунда жамоамиз аъзолари ҳам болажонларнинг қувончларига шерик, дардларига малҳам бўлишди.

“Насаф” ПФК матбуот хизмати.