Саутгейт: "Магуайр ўйнамаса ҳам танқид қилинади"

"Мураббийнинг вазифаси – ўз футболчиларини ҳимоя қилиш. Магуайрга ғалати муносабатда бўлишмоқда. "Манчестер Юнайтед" ҳафта ўртасида мағлуб бўлганида, газета сарлавҳасида стадионга келган футболчиларнинг расмларини кўрдим. Улар, шунингдек, ўйинда иштирок этмаган Магуайрнинг машинадаги суратидан ҳам фойдаланишган. Бу маълум даражада онгсиз равишда содир бўлади.

Албатта, бизда олдин ижтимоий тармоқлар йўқ эди, шунинг учун энди динамика ўзгарди, бу бошқа оммавий ахборот воситаларининг реакциясини кучайтиради. Айтганимдек, мен илгари бундай нарсани кўрмаганман", – деди Гарет Саутгейт. 

Эслатиб ўтамиз, Ҳарри Магуайр "Манчестер Юнайтед" асосий жамоасида камдан-кам майдонга тушади, аммо Англия терма жамоаси учун муҳим футболчи бўлиб қолмоқда.